वैदिक सनातन संस्कृति धेरै नै प्राचीन छ । जब सृष्टि भयो तबदेखि यो संस्कृति र सभ्यता विद्यमान छ जसको कारण यसलाई सनातन भनिएको हो अन्यलाई सम्प्रदाय, मजहब, दीन, पन्थ लगायत भनिएको छ । यसरी वैदिक सनातन संस्कृतिको तुलना अन्यसँग गर्नु गलत हुन्छ । जब सत्य युग थियो त्यस समय पनि सनातन थियो जब त्रेता र द्वापर युग थियो त्यस समय पनि सनातन थियो आज कलयुगमा पनि छ । आगामी युगौं युगसम्म यो रही रहने छ । सनातन भनेको प्राचीन हो जसको कुनै आदि र अन्त छैन त्यसलाई सनातन भनिएको हो तर आज विडम्बनाको कुरा छ विदेशीको मूत्र होली वाइन खाने नेता सनातानको अस्तित्व मान्न तयार छैनन् जसको कारण उनी यो कुनै धर्म होइन भन्नसम्म बेर लगाउँदैनन् । हो हिन्दु कुनै धर्म होइन हिन्दु भनेको संस्कार हो हिन्दुको अर्थ हो अत्यन्त दयालु, सोझासाझा, प्रकृतिमा रमाउने जसले प्रकृतिको पुजा गर्छ । नारीको सम्मान गर्छ । रुख बिरुवा जल लगायतको पुजासम्म गर्छ । सिन्धुबाट हिन्दु शब्द आएको हो कसैले बंगाली भाषाको हदु शब्दबाट हिन्दुको उत्पत्ति भएको भनिँदै आइएको छ तर एउटा कुरा सत्य हो सनातनी हिन्दु आर्य यिनीको बसोबास सबै स्थानमा थियो सिन्धुको अतिरिक्त फारस(इरना) इरान रतिब्बतसम्म यसको अस्तित्व थियो सतयुगमा राजा हरिश्चन्द्र लगायत जस्ता तमाम सत्यवादी सम्राट भए त्रेतामा मर्यादा पुरुषोत्तम भगवान श्रीराम, द्वापरमा योगीराज श्री कृष्ण जस्ताको अवतार भयो । अब यस कलियुगमा कल्कि अवतार हुने भविष्यवाणी छ । यस कारण कोही सनातनलाई मान्दैन यसको अस्तित्व स्वीकार्दैन भन्छ भने त्यसको यो भनाई अज्ञानता हो । रामेश्वरममा भगवान श्रीरामले लंकामाथि विजय गर्न समुद्रमाथि पुल निर्माण गरेका थिए त्यसको अस्तित्व आजसम्म छ नासाले यस पुललाई एडम्स पुल नाम दिएको छ । तर त्यो एडम्स को हो जसले यो पुलको निर्माण गरेको थियो यसको उल्लेख कहिँ पनि पाउँदैन । तर नल र नीलको सहयोगबाट भगवान श्रीरामले राम सेतुको निर्माण गरेको उल्लेख बाल्मीकी रामायण, तुलसी रामायण लगायत अनेकौं ग्रन्थमा उल्लेख रहेको पाइन्छ । द्वापर युगमा महाभारत युद्ध भएको थियो यसको अवशेष पटक पटक निस्कने गरेको छ । केही दिन अघि कुरुक्षेत्र नामक स्थानबाट रथको पांग्रा समेत जमीन उत्खननमा निस्किएको थियो । अब एउटा विशाल मानव कंकाल फेला परेको छ । विदेशीहरु यसलाई छुट्टा छुट्टै नाम दिएका छन् तर महाभारत युद्धमा घटोत्कचको आकार प्रकारको जस्तो विवरण छ यो भेटिएको मानव कंकाल सो विवरण जस्तो रहेकोले प्रमाणित हुन्छ महाभारतको युद्ध भएको थियो सो युद्धमा लाखौं लाख मारिएका थिए । यसरी वैदिक सनातनीहरुले आफ्नो संस्कृतिमाथि गर्व गर्नु जरुरी छ । सनातनको प्रभाव अहिले सम्पूर्ण विश्वमा फैली रहेको छ तर आश्चर्यको कुरा छ जुन देशबाट सर्वप्रथम ओमकार शब्द सम्पूर्ण ब्रम्हाण्डमा गुञ्जायमान भएको थियो, जुन देशमा ईश्वरीय वेद ग्रन्थ लेखियो जुन देशमा रामायण ग्रन्थ लेखियो जुन देशमा ठूला ठूला ऋषि महर्षि जन्मिए त्यो देशमा आज वैदिक सनातन संस्कृति कमजोर पर्दै गएको छ । विदेशीहरुको प्रभावले यहाँ पथभ्रष्टता हावी हुँदै गएको छ विभिन्न विदेशी धर्म एक्कासी फैलिँदै गएको छ । यसको चिन्ता सबै सनातनीहरुले लिनु आवश्यक छ । अहिले आवश्यकता यो छ वैदिक सनातन धर्म संस्कृतिलाई हानी नोक्सानी पुर्याउने सबै गतिविधि बन्द गराउन कडा कानुन बनाउनु पर्ने सबैतर्फबाट आवाज उठ्नु पर्छ । धर्मान्तरण कार्य बन्द गराउन कडा कानुन त्यस्तै विदेशीलाई नेपाली नागरिकता नदिने कानुन । विदेशी सहयोग रकममाथि प्रतिबन्ध, विदेशी धर्मको प्रचार प्रसारमा रोक, आतंकवाद नियन्त्रणको लागि विदेशी धर्म गुरुहरुलाई नेपालमा आउन नदिने प्रावधान ल्याउनु जरुरी छ यसो भयो भने मात्र यो देशमा सनातन बच्न सक्छ अन्यथा जसरी अन्य तमाम देश धार्मिक उद्दण्डताको शिकार भएर अशान्त बनेका छन् सोही प्रकार यहाँ पनि अशान्ति आउन बेर लाग्दैन । वैदिक सनातन धर्म ग्रन्थहरुमा जातजाति, ऊँचनीच, छुवाछुतको उल्लेख छैन यस कारण अब जात पातमा नबटौं, छुवाछुत, ऊँचनीचको विचार त्याग गरौं सबै सनातनी बनौं आर्य बनौं यही कर्म गर्ने सोच सबै राखौं ।
